فيروس كورونا وعلاقته بمرضى المخ والأعصاب
أهم ١٠ حقائق و معلومات لازم نعرفها عنه و خاصه أخر واحده المتعلقه بمرضي المخ والأعصاب
١- كورونا فيروس الجديد تبع عيله كبيره و قديمه من الفيروسات اسمها كورونا (اللي منها طلع فيروس سارسSARS و فيروس MERS الشرق اوسطي ) و دول بيتنقلوا من الحيوان زي القطط و الخفافيش للانسان
كورونا الجديد اسمه (SARS-COV-2)
و اتسمي COVID19
اختصارا ل
CORONAVIRUS DISEAESE 2019
و اامختلف فيه أنه ينتقل من الإنسان الي الإنسان و ده الجديد
٢- المرض ينتشر بالاختلاط بالأشخاص المصابين عن طريق النفس او اللمس أو المصافحة و التقبيل
و عشان كده الناس في أوربا و امريكا دلوقتي بتسلم السلام الصيني اللي هو بهز الدماغ فقط ..
٣- الأعمار الأكبر سنا أكثر عرضه للمرض و خاصه لو في سكر و ضغط و قلب و امراض صدريه
٤- نسبه الوفيات بصفه عامه حوالي ٢ % (سارس كان ١٠%)
و لكن النسبه مش موزعه بالتساوي بين الأعمار المختلفه
يعني من ٦٠ الي ٦٥ سنه بالنسبه ٣.٥ %
و تتزايد حتي تصل فوق ٨٠ سنه الي ١٥ %
٥- أعراضه حمي و كحه و ضيق نفس و صداع و ممكن اسهال
مش لازم كل الأعراض تظهر و مش لازم كلها مع بعض
٦- يوم الثلاثاء ١١ مارس منظمه الصحه العالميه أعلنت COVID 19
وباء عالمي PANDEMIC
و ده أول وباء عالمي يخرج من عيله CORONAVIRUS
القرن الماضي شهد ٤ أوبئه عالميه كلها من عيله انفلونزا
INFLUENZA VIRUS
٧- أهم وسائل الوقايه
ا.غسل اليدين الدائم بالماء و الصابون
ب.استخدام الكحول ( انا عن نفسي مش باستخدم المعقمات )
ازازه كحول ٧٠% سبراي في ايدك هتبقي كفايه و أرخص بكتير
ج. سيب مسافه بينك و بين الناس .. للوقايه من كورونا (٦ اقدام)
د. لا داعي للمس الوجه و العينين و الأنف.. يعني ممكن تتسلي في الإشارات خلال الفترة الجايه
ه- القعده في البيت و عدم الخروج مناسبه جدا لكبار السن و بالذات مرضي الضغط و السكر و القلب و الصدر
٨- لا يوجد ضرورة لارتداء الجوانتيات لأنها هتشيل الفيروس عليها زي ايدك بالضبط و ممكن منها يتنقل للوجه و الأنف و كذلك لا يوجد ضرورة لارتداء ماسك N95 (اتسمي كده عشان بيمنع دخول ٩٥% من droplet )
٩- هناك تجارب تجريها الصين و امريكا علي علاج
Remdesivir
و النتائج لم تظهر بعد
١٠- مرضي المخ و الاعصاب ليسوا أكتر عرضه للمرض و لكن هناك أمراض مناعيه في المخ و الاعصاب تستلزم أخذ ادويه مثبطه للمناعه زي الام اس و الوهن العضلي و التهاب العضلات
و دول لازم يرجعوا للطبيب المعالج خلال هذه الأيام عشان يعرفوا يتعاملوا ازاي مع الأدوية دي
و ده ملخص الأدوية دي
١- الكورتيزون : لا يفضل اخذه إلا لضرورة قصوى و تحت إشراف طبي و لو ماشي عليه ارجع لطبيبك المعالج
٢- إميوران و ميثوتريكسات: لا يفضل أن نبدأ حاليا إلا لضرورة قصوى و لو ماشي عليه ارجع لطبيبك المعالج
٣- اندوكسان: بيقلل المناعه لو بتاخد حقنه شهريه .. ممكن نأخر الجرعه القادمه شهرين او ثلاثه
٤- الانتروفيرون و الاوباجيو و تايسبري : مفيهمش مشكله
٥- تيكفيدرا او ماروفاركس او ماركليروسز : عموما مفيهمش مشكله ساعات بيقللوا الخلايا الليمفاويه لذا ارجع للطبيب المعالج
٦- جيلينيا: بيقلل خلايا المناعه و لذا لا يفضل أن نبدأ به حاليا إلا لضرورة قصوى و لو ماشي عليه ارجع لطبيبك المعالج
٧- ليمترادا و اوكريفس و مافنكلاد و مابثيرا: تقلل خلايا المناعه و لا يفضل البدء بها حاليا و يفضل تأجيل الجرعه القادمه لو ميعادها قريب تؤجل شهرين او ثلاثه
